गजल 1
हाँसेर बिदाइ गरेकी हैनौ,
जुन झै मुस्कान छरेकी हैनौ ।
बेशीको मेला धाउने निहुमा,
मलाइ भेट्न झरेकी हैनौ ।
खोलाको पानी कम्मर आउदा,
मेरै हात समाइ तरेकी हैनौ ।
बेशीको खोचमा मायाको कुरा,
गर्दै यी काखमा सरेकी हैनौ ।
चिम्लेर आँखा चुमेर मलाइ,
खुशिमा लाजले मरेकी हैनौ ।
गजल 2
रोएर आँशु झार्दैमा हुन्न,
आगो र पानी बार्दैमा हुन्न ।
सोचेर हेर गलत पो छ कि,
बसाँइ मात्रै सार्दैमा हुन्न ।
जचाइ कनै ओखती खाउ,
धामी र झाक्री चार्दैमा हुन्न ।
बल्झेला पीडा रुवाउला पछि,
यत्तिकै तिम्ले टार्दैमा हुन्न ।
धर्मको पछी नलाग हैन,
फूल र माला तार्दैमा हुन्न ।
रामचन्द्र कार्की आँपपिपल-४ राईगाँउ गोरखा हाल: रानीपौवा पोखरा-११, कास्की मोबाइल न ९८४६०३५४२४
No comments:
Post a Comment