बादल भित्र घाम छ, सरकार उस्तै छ,
देशमा बाबु राम छ, सरकार उस्तै छ ।
अशान्ति छ दर्द छ, जनता निरास छन्,
जता नजाउँ लाम छ, सरकार उस्तै छ ।
स्विजरल्यान्ड बनाउने, भासण फोहोरामा,
न काम छ नाम छ, सरकार उस्तै छ ।
राणा भन्दा चर्को छ, सत्ता अर्जुन दृष्टि,
मोज मस्ती माम छ, सरकार उस्तै छ ।
न त लेखे संबिधान नै, न त दिए खुशि,
राजीनामको खाम छ, सरकार उस्तै छ ।
2.
झलमल घाम थियो भ्यालेन्टाइन थियो,
बाटाभरी लाम थियो भ्यालेन्टाइन थियो ।
ग्यालरी र गार्डेनमा ठुलो भिड्भाड थियो,
खचाखच ठाम थियो भ्यालेन्टाइन थियो ।
जता जान्थेँ जोडी देख्थेँ प्रणय जालो भित्र,
शहर जस्तै गाम थियो भ्यालेन्टाइन थियो ।
हिमालचुली मुस्कुराउथ्यो कोइलीले गाउथ्यो,
उन्को ताम झाम थियो भ्यालेन्टाइन थियो ।
प्रतिक्षाको पल चिर्दै आइन उनी नजिकमा,
बिछोडको खाम थियो भ्यालेन्टाइन थियो ।
3.
आज किन किन तिम्लाइ कस्ती देख्या छु,
परि हौ की देव कन्या जस्ती देख्या छु ।
प्रेम दिवस आर होकी चन्चल मन मेरो,
एकान्तमा तिम्रो मेरो मस्ती देख्या छु ।
पाहारिलो मौषम संगै खुल्ला डाँडा काँडा,
जता ततै पिरतीको गस्ती देख्या छु ।
मरुभुमी छैन् कतै उर्बरा छ यत्र तत्र,
हासो खुशि उमंगको बस्ती देख्या छु ।
प्रगाड यो मित्रतामा नयाँ नाता जोडौं,
तिम्लाइ मेरो सर्बेसर्वा हस्ती देख्या छु ।
4.
जय प्रेम दिवस
आउ हामी संगै भनौ ह्याप्पी भ्यालेन्टाइन,
पिरतिमा हिरो बनौ ह्याप्पी भ्यालेन्टाइन ।
सजाउनु छ भब्य महल मुनामदन बनि,
अबिनाशी जग खनौ ह्याप्पी भ्यालेन्टाइन ।
गुलाबको फुल किन सारा जीवन तिमिलाइ,
गुलाब छाडौ माया गनौ ह्याप्पी भ्यालेन्टाइन ।
आउ हामी संगै भनौ ह्याप्पी भ्यालेन्टाइन,
पिरतिमा हिरो बनौ ह्याप्पी भ्यालेन्टाइन ।
सजाउनु छ भब्य महल मुनामदन बनि,
अबिनाशी जग खनौ ह्याप्पी भ्यालेन्टाइन ।
गुलाबको फुल किन सारा जीवन तिमिलाइ,
गुलाब छाडौ माया गनौ ह्याप्पी भ्यालेन्टाइन ।
5.
जाँगर मारी के पाईन्छ साथी,
कोपिला झारी के पाईन्छ साथी ।
श्रीखण्ड हो की खुर्पाको बिड,
सर्दैमा पारी के पाईन्छ साथी ।
हाँस र हसाँउ खुशिमा रमाउ,
शरीर भारी के पाईन्छ साथी ।
हिम्मत बढाउ फोड्न पहाड,
सागर तारी के पाईन्छ साथी ।
उडेर हेर आकास र धर्तिमा,
कुवामा चारी के पाईन्छ साथी ।
6.
मन मुटु आँखाको नानी हौ तिमी,
चैत मास कुलाको पानी हौ तिमी ।
जब देख्छु तिमीलाइ भुल्छु संसार,
आशा खुशी चैनको खानी हौ तिमी ।
जती सानो मुल्यवान उती पियारो,
हिरा मोती मणी झै सानी हौ तिमी ।
बोल्नु भन्दा पहिल्यै बुझ्छौ चाहना,
देवत्वले भरिएकी ज्ञानी हौ तिमी ।
तिम्रै सामु नजरमा घुमी रहेछु,
'बिफल'को दिलको रानी हौ तिमी ।
7.
भ्यालेन्टाइन नजिकिदा उनको मेरो दुरी बढ्यो,
दुरी किन बढ्यो भनि मनमा कुरी कुरी बढ्यो ।
अचानकै देखे उन्लाई क्षितिज पारी डोली भित्र,
अपार माया देकै थिएँ किन मनमा छुरी बढ्यो ।
माया रुपी माला थिए ढाकिद्याथे मायाले नै,
माला अनि बाला फाली हातमा किन चुरी बढ्यो ।
फेवा तालको भेट हाम्रो माया जालमा बेरिएसी,
खै कस्लाई डाहा लाग्यो निकै चुरी फुरी बढ्यो ।
भाकेका थ्यौ ताल बाराही संगै बिन्ध्यबासनिमा,
माया भाथ्यो अक्सिजन हत्तपत्त हुरी बढ्यो ।
8.
टुक्रा टुक्रा मुटु मेरो जोड्न सक्छौ त,
उ सँगको नाता फेरि तोड्न सक्छौ त ?
एक बार हैन तिम्लाइ हजार हजार बार,
सुम्पदै छू यो बगैचा गोड्न सक्छौ त ?
एकोहोरो दगुर्या छौ ब्रेक लाउछौ कि,
पर्खिराछु तिमिलाइ मोड्न सक्छौ त ?
उही झरी रुझौला नी घाम तापौला,
मै दिउला पछ्यौरी यो ओड्न सक्छौ त ।
समाज र सस्क्रिती नी अबरोध हैनन्,
तिम्रो मेरो बीचको पर्दा फोड्न सक्छौ त ।
No comments:
Post a Comment